Српскиот центар Никола Милутинов се повреди, синоќа во дербито против Панатинаикос (80:85). Кошаркарот на Олимпијакос се повреди при судир со соиграчот Костас Папаниколау.

Првите проценки за повредата не беа толку страшни, па се зборуваше дека тој ќе отсуствува од терените околу еден месец, но новите информации велат поинаку.

По дополнителните прегледи е утврдено дека Милутинов се здобил со повреда на метатарзалната коска, па нема да биде на теренот два месеци.

Милутинов ќе ги пропушти дуелите на Олимпијакос со Реал Мадрид, Баерн, Валенсија и Алба, како Ф8 турнирот во Купот на Грција, а нема да настапи ниту за националниот тим во квалификациите за ЕП против Финска и Грузија.

Сезонава просечно бележи 8,7 поени со 5,8 скока во Евролигата.

Пред неколку дена забележа импресивен учинок од 20 поени и 20 скока против Макаби и беше прогласен за МВП на колото.