Шпанскиот возач во Мото ГП шампионатот, Марк Маркез и тимот на Репсол Хонда и официјално се договорија да ја прекинат соработката.

Една година пред истекот на договорот, двете страни се спогодија да се разделат на крајот од сезоната.

Маркез освои шест титули во „кралската класа“ во Хонда.

Оваа сезона шпанскиот возач освои само 22 бода и есе наоѓа на 19. место во генералниот пласман на возачи.

Маркез ја оствари својата прва победа во кралската класа на „Honda RC213V“ на Американското ГП во 2013 година во Тексас и стана најмладиот победник во премиер класата, а една година подоцна стана најмладиот светски шампион.