Пред 30.000 навивачи на стадионот „Асим Ферхатовиќ Хасе“, во Сараево, Македонија одигра 0:0 со Босна и Херцеговина. По овој натпревар, БииХ се сели во САД каде ќе учествува на Мундијалот.

Во спектакуларен амбиент, недостасуваа само голови.

Шнси имаше…

Веќе во 4-та минута, Хамед Баждар, мајсторски му ја остави топката со пета на Алајбеговиќ, кој со одлично соло се ослободи од неколку македонски играчи, а потоа ја погоди пречката.

БиХ целосно ја контролираше средината на теренот во првото полувреме, со 68 проценти посед на топката, но Македонија можеше да дојде до предност во 32-та минута.

Катиќ направи кардинална грешка во одбраната, топката стигна до Миовски, кој го искористи излегувањето на Зломишлиќ и го лобуваше, но кога сите ја видоа топката во мрежата, Стјепан Радељиќ интервенираше на гол-линијата со феноменална и саможртвувачка реакција во последен момент.

Во 45-та минута, Баждар потоа се обиде со глава но топката заврши во пречката.

Пред почетокот на второто полувреме, домашната екипа се соочи со лоша среќа. Имено, за време на загревањето, третиот голман на репрезентацијата, Осман Хаџикиќ, тешко се повреди.

Повредата беше таква што мораа да го изнесат од теренот на носилки.

Големиот број замени влијаеше и на ритамот на играта, а во второто полувреме се играше многу попретпазливо. Последните возбудувања беа видени во 80-та минута кога Башиќ изведе одличен слободен удар, но Шишковски успеа да одбрани.