Ден Харли, првиот човек кој ја одбрани титула за време на мартовското лудило по 2007 година и триумфот на Били Донован со Флорида Стејт се подготвува за најголемиот предизвик во неговата тренерска кариера.

Харли, архитектот на шампионската генерација на кошаркари од Универзитетот во Конектикат, кој ја одбрани шампионската титула во НЦАА со победата над Пердју во финалето е главен фаворит за нов тренер на Лос Анџелес Лејкерс.

Медиумите изминатите недели со Лејекрси го поврзуваа поранешниот кошаркар Џеј-Џеј Редик, но претседателката на Лејкерс Џени Бас и генералниот менаџер на познатата франшиза Роб Пелинка се свртеа кон решение кое дефинитивно има повеќе смисла и се однесува на соработката со човек кој, меѓу другото, во колеџ конкуренција се покажа како авторитет во тим полн со талент и идни НБА ѕвезди.

Тоа е еден од квалитетите кои го препорачуваат за сериозен предизвик, работа со Леброн Џејмс, Ентони Дејвис и остатокот од тимот, кој од титулата во „меурот“ во 2020 година бележи резултати далеку под реномето на франшизата и очекувањата на фановите и јавноста.

ЕСПН објави дека Харли во петок ќе отпатува за Калифорнија и ќе го има својот прв состанок со највисокото раководство на Лејкерс.

Извесно е дека по Пол Сајлас, Брендан Мелоун, Мајк Браун, Ерик Сполстра, Дејвид Блат, Тајрон Лу, Лук Волтон, Френк Фогел и Дарвин Хам, јубилеен десетти тренер на Леброн Џејмс во НБА ќе биде Харли.