– По вечерашниот поразот од Летонија со 46:57, македонската кошаркарска репрезентација до 16 години се најде во незавидна позиција на Европското првенство што се одржува во Скопје.

„Црвено-жолтите“ се наоѓаат во серија од четири порази и ќе играат за пласман од 13. – 16. место на Еуробаскет 2023.

Од А-дивизијата испаѓаат трите најслабопласирани селекции, па за опстанок на македонските кошаркари им се потребни две победи на последните две средби.

Следен противник на избраниците на селекторот Јованчев ќе биде поразениот од вечерашниот меч Турција – Израел. Во случај на победа, опстанок ќе се бара на средбата со поуспешниот од дуелот Белгија – Црна Гора.

Инаку, на ЕП во Скопје формирана е првата полуфинална двојка, во неа се среќаваат Италија и Франција.