Антонио Конте потпиша договор и е официјализиран како нов тренер на Наполи.
Наполи, кој лани освои историска титула, прва по три децении, а потоа целосно потфрли оваа сезона, покажа дека има највисоки амбиции. Поради тоа е донесе тренер кој знае како се освојуваат трофеи.
По Јувентус, Челзи, Интер, Тотенхем и една година одмор, Конте одлучи дека е подготвен за ново враќање во Серија А.
Тој потпиша договор на три години, а на југ сакаат да го направи тоа што го направи во Јувентус и Интер. Финансиските детали од договорот на се познати, но медиумите шпекулираат дека по сезона ќе заработува седум милиони евра плус ќе има и одредени бонуси.
🔵✍🏻 Official: Antonio Conte, new Napoli manager on three year contract. pic.twitter.com/wY3gT2mFYF
— Fabrizio Romano (@FabrizioRomano) June 5, 2024
Нема да има лесна работа. Пред се ќе има проблеми да ги зачува ведетите од претходниот период. Капитенот Џовани ди Лоренцо најави заминување, Квича Кваратхелија сака да замине во Пари Сен Жермен, а Виктор Осимен веќе две години флертува со клубовите од Премиерлига.
