Фудбалскиот клуб Севилја наскоро ќе го промовира Кике Санчез Флорес за нов тренер на првиот тим.

Диего Алонсо не успеа да ги раздвижи андалузијците кои ја играат најлошата сезона во подолг период. Во Примера, Севилја се наоѓа на 16.место со 13 поени и скромни две победи, а во Лигата на шампионите, во конкуренција на Арсенал, ПСВ и Ленс освои само два бода и заврши на последното место..

Кике Санчез Флорес е познатото тренерско име кое работеше во дури 10 клубови, а во три наврати го водеше Хетафе.

Најдобрите резултати во својата тренерска кариера ги постигна со Валенсија на самиот почеток кога во сезоната 2005/06 се пласираше со оваа екипа во Лигата на шампионите и стигна до четвртфиналето. Најголемиот успех пак му е трофејот во Лига Европа со Атлетико Мадрид во 2010 година.

Оттогаш во ниту еден клуб не постигнал забележителен резултат, па прашање е дали во овој момент тој е вистинското име за Севилја.

Кике Санчез Флорес ќе биде третиот тренер на Севилја од почетокот на сезоната, која ја започна Хосе Луис Мендилибар, а него го наследи Диего Алонсо кој по два месеци доби отказ.