Аргентинецот Анхел Ди Марија (36) минатото лето се врати во Бенфика. Бенфика беше првиот клуб на Ди Марија во Европа, каде пристигна од Росарио Централ, а потоа играше за Реал Мадрид, Манчестер Јунајтед и ПСЖ. Во својата голема кариера освои се на клупски и репрезентативен план.

Во интервју за аргентинскиот „TyC Sports“, Ди Марија избра идеален тим составен од неговите соиграчи од Аргентина и клубовите за кои играше. Со оглед на нивото на кое игра успешно долги години, не е чудно што Аргентинецот состави страшна единаесетка.

Интересно во идеалниот тим на Ди Марија нема место за Лука Модриќ и Кристијано Роналдо со кои ја делеше соблекувалната на „Сантијаго Бернабеу“.

Срцето на одбраната го сочинуваа сонародници. На голот е Емилијано Мартинез, стопери се Николас Отаменди и Хавиер Маскерано. На бековските позиции Ди Марија ги смести соиграчите од Реал, Серхио Рамос и Марсело.

Во средниот ред Ди марија за партнери ги избра Руи Коста и Нејмар, а во нападот покрај големиот пријател Меси ги смести Златан Ибрахимовиќ и Килијан Мбапе.