Вечерва во „Убер арена“ во Берлин ќе започне завршниот турнир во кошаркарската Евролига. Актуелниот шампион Реал ќе се обиде да ја одбрани титулата во конкуренција на Фенербахче и грчките гиганти Олимпијакос и Панатинаикос.

Првото полуфинале ќе започне во 18 часот, ќе играат Панатинаикос и Фенербахче, три часа подоцна во реприза на финалет од мината сезона ќе се сретнат Реал и Олимпијакос.

Вистинска инвазија на грчки навивачи се очекува во германската престолнина. Според медиумите ќе има најмалку 9.000 навивачи од Атина. Интересно се очекува толкав број и на турски навивачи, што и не е изненадување бидејќи голем број Турци живеат во Германија.