Тренерот на Галатасарај, Окан Бурук сака на позајмица да го доведе фудбалерот на Манчестер сити, Матео Ковачиќ.

Бурук е незадоволен од францускиот фудбалер Танги Ндомбеле, поради што побара од раководството на клубот дали може да го доведат Ковачиќ, во јануарскиот преоден рок.

Галатасарај моментално има 37 бода, колку што има и Фенербахче со кој сигурно ќе се бори за титулата.

Сепак, мала е веројатноста овој трансфер ќе се случи.

Ковачиќ летово пристигна во Манчестер сити од Челзи и оттогаш забележа 15 настапи, од кои шест како стартер.