Италијанскиот фудбалски репрезентативец Давиде Фратези е нoв играч на европскиот вицешампион Интер, објави клубот од Милано.

Фратези доаѓа во Милано како позајмен фудбалер од Сасуоло. Двете страни се договорија Интер по завршување на сезоната 2023/24 да го откупи неговиот договор со Сасуоло и да потпише петгодишна соработка со 23-годишниот фудбалер за врска.

Италијанските медиуми пренесоа дека Фратези ќе заработува 2,8 милиони евра по сезона.

Фратези одигра 72 натпревари за Сасуоло, а досега осум пати го носеше и италијанскиот дрес.