Американскиот претседател Доналд Трамп лично ќе им го врачи трофејот на победниците на Светското првенство и ќе остане со нив на подиумот за време на прославата, кршејќи го протоколот на ФИФА.

Американскиот претседател веќе бил известен дека ФИФА сака тој да им го врачи трофејот на идните шампиони. Мексикански и канадски претставници, исто така, ќе бидат поканети на церемонијата на затворање, пишуваат британските медиуми.

Трамп веќе привлече внимание на минатогодишното клупско Светско првенство во САД, кога стоеше до капитенот на Челзи, Рис Џејмс, додека тој го креваше трофејот.

Фудбалерот Кол Палмер, тогаш изгледаше особено збунето додека стоеше веднаш зад првиот човек на САД. Претседателот на ФИФА, Џани Инфантино, првично се обиде да го тргне Трамп настрана, но потоа го охрабри да остане.

Протоколот на ФИФА диктира трофејот да се постави на постоље, а потоа да се носи на подиумот од член на победничкиот тим.

Изворите велат дека ФИФА ќе му дозволи на Трамп да одлучи дали сака да остане со тимот за време на церемонијата на доделување на трофејот или да им се придружи на други претставници. Извори од Белата куќа веруваат дека Трамп повторно ќе избере да слави со победничкиот тим.

Трамп го пропушти првиот натпревар на американската репрезентација против Парагвај поради други обврски, но потврди дека ќе присуствува на финалето на Светското првенство, кое ќе се игра на стадионот „МетЛајф“ на 19 јули.

Неговиот распоред може да се промени, но Инфантино го информирал дека има целосна слобода да го додели трофејот на кој било начин што смета дека е соодветен.

Foto/ Depositphotos