Францускиот селектор Дидие Дешан, прв целосно ги откри картите и го објави конечниот список од 26 играчи за Светското првенство во САД, Канада и Мексико.
Дешан, кој ја предводеше Франција до титулата на Светското првенство во 2018 година и финалето четири години подоцна во Катар, ќе се повлече по Светското првенство во 2026 година, не направи многу изненадувања во изборот на тимот.
Мбапе веројатно ќе биде капитен и покрај повредата на тетивата што ја заработи минатиот месец, поради која пропушти неколку важни натпревари во финишот на сезоната за Реал Мадрид.
Едуардо Камавинга и Рандал Коло Муани не се најдоа на спиското и тоа се најголемите изненадувања во изборот на Дешан. Поради повреда, напаѓачот на Ливерпул, Уго Екитике не е на спискот.
„Зад него е тешка сезона во која не играше многу и имаше неколку повреди. Тој е млад. Морав да донесам одлуки, но можам да го замислам неговото разочарување“, објасни Дешан зошто Камавинга не е на неговиот список.
Рајан Ширки ќе дебитира на Светското првенство, а 22-годишниот плејмејкер имаше одлична дебитантска сезона во Манчестер Сити, додека неговиот ривал од Премиер лигата, Вилијам Салиба од Арсенал, ќе донесе сигурност во одбраната на „триколорите“. Левиот бек Лукас Ернандез и неуморниот играч за врска Н’Голо Канте, заедно со Мбапе и Дембеле, се единствените преостанати членови на тимот што го освои Светското првенство пред осум години во Русија.
Голмани: Мајк Манџан (Милан), Робин Ризер (Ленс), Брајс Самба (Рен)
Одбрана: Лука Дињ (Евертон), Мало Густо (Челзи), Лука Ернандез (ПСЖ), Тео Ернандез (Ал Хилал), Ибрахима Конате (2Ливерпул), Жил Кунде (Барселона), Максенс Лакроа (Кристал Палас), Вилијам Салиба (Арсенал), Дајо Упамекано (Баерн Минхен).
Среден ред: Н’Голо Канте (Фенербахче), Ману Коне (Рома), Адриен Рабио (Милан), Орелијан Чуамени (Реал Мадрид), Ворен Заир-Емери (ПСЖ).
Напад: Магнес Акљуш (Монако), Бредли Баркола (ПСЖ), Рајан Шерки (Манчестер Сити), Усман Дембеле (ПСЖ), Дезире Дуе (ПСЖ), Жан-Филип Матета (Кристал Палас), Килијан Мбапе (Реал Мадрид), Михаел Олисе (Баерн Минхен), Маркус Тирам (Интер).
Als erster unter den Turnierfavoriten präsentiert der französische Nationaltrainer Deschamps seinen Kader 💥 Zahlreiche ehemalige und zwei aktuelle Bundesliga-Profis sind dabei.
Holt Frankreich nach 1998 und 2018 zum 3. Mal den WM-Pokal? 🏆🏆🏆 pic.twitter.com/8mK4QldOrz
— Transfermarkt (@Transfermarkt) May 14, 2026
Foto/ Depositphotos
