Кевин Де Брујне не е во списокот за пријателските натпревари на Белгија против Ирска и Англија во март.

Доменико Тедеско, селекторот на Белгија, истакна дека Де Брујне повторно има проблеми со повредата на препоните.

„Во последните неколку натпревари Кевин чувствува болка. Решивме дека е подобро да остане во Манчестер и да биде целосно подготвен за Европското првенство“, изјави Тедеско.

Ова веднаш го отвори прашањето дали брилијантниот Белгиец ќе му биде на располагање на Пеп Гвардиола за претстојните натпревари. Манчестер сити најпрвин во сабота ќе одигра натпревар од ФА Купот против Њукасл, а потоа на 31 март ќе го има можеби решавачкиот меч за титулата во Премиер лигата против Арсенал.