Голем број пожарникари се борат со пожар на југот на Франција, што доведе до евакуација на неколку кампови со многу туристи, јавува германската агенција dpa. Голем пожар гори во провинцијата Пиринеи-Ориентали, изјави вчера вечерта министерот за внатрешни работи Џералд Дарманин. Тој ги повика населението и туристите да бидат крајно внимателни.
Распоредена е противпожарна бригада со 13 авиони, три хеликоптери и повеќе од 500 пожарникари.
#BREAKING – #France: A major fire is still underway in Saint-André in the Pyrénées-Orientales, mobilizing more than 200 firefighters. pic.twitter.com/WIIAw49O9o
— Jack Straw (@JackStr42679640) August 15, 2023
Пожарот избувна во понеделникот попладне меѓу градот Сен-Андре и познатото крајбрежно летувалиште Аржелес-сур-Мер на Средоземното Море, соопштија пожарникарите. Радио станицата France Blue, повикувајќи се на локалните власти, објави дека во пожарот се уништени 300 хектари претежно ниска вегетација.
APOCALYPTIC – The situation with the wildfires in Saint-André in the Pyrénées-Orientales, France, is
out of control– 13 planes, 3 helicopters and more than 500 firefighters are mobilized
– Several thousand people were evacuated, including campsites
– The fire is out of control… pic.twitter.com/cSAkPkxOyH— Jack Straw (@JackStr42679640) August 15, 2023
Евакуирани се три кампа со бројни туристи, додека пожарот се заканува на некои станбени згради и продавници. Спортска сала е подготвена за сместување на евакуираните. Локацијата на пожарот е западно од градот Перпињан, недалеку од границата со Шпанија.
