На власт дојдоа газејќи преку мртви. Цела кампања водеа на трагични настани. Да беа опозиција сеа скандали ќе правеа и крокодилски солзи ќе ронеа. Плус за секакви глупости прават прес-конференции, а за ова ја оставија цела држава синоќа без сон.
И сабајле, откако се наспаа, свикаа прес и ги искритикува сите за ширење дезинформации и шпекулации. Кажаа дека безбедноста е на ниво, односно дека нема киднапирања, престрелки, убиства и дека ова е изолиран случај.

За обвинителот кој си ја издтка цела прес-конференција, се појави документ на интернет од кој се гледа дека е излезен од партискиот тефтер на “опозицијата”.
Ни кажаа дека човечки живот во оваа европска и прогресивна земја вреди 500 евра.
И после здружено, ко ништо да не се десило, си имале лидерска средба на која си зборувале за европски фронтови, уставни измени и избори.
И после имало монструми и психопати. Шо да има кога ова е секојдневие? Секојдневно му се вади душата на народот и во исто време се убедува од истите душовадници како тоа е од љубов и за негово добро.
Замислете човек на кој секој ден му иде џелат, му става слушалки на уши на кои му се повторува “многу те сакам”, а во меѓувреме дур го слуша тоа му удира 500 камшици.
Може тој човек да биде нормален? Епа мултициплирајте го тоа на цел народ и поставете си го истото прашање оти во такво општество живееме.