Крајот на учебната година е време за размислување и исчекување на возбудливите можности што претстојат. Како што наближува летниот распуст, вистински момент е да се прослават постигнувањата на учениците. Но, тоа може да биде и идеален период во кој родителите и старателите треба да почнат да размислуваат за долгорочна финансиска сигурност и благосостојба на своите деца. А истата можат да ја обезбедат со почеток со штедење за своите најмили од нивна најрана возраст.

Детското штедење Халки е еден од најпрепознатливите производи на Халкбанк АД Скопје, и истиот е наменет да им ги обезбеди на семејствата потребните алатки и ресурси за да започнат патување кон финансиска независност и просперитет на своите деца. Со отворање на детски депозит, се зголемува навиката за штедење и со дополнителни уплати на депозитот се создава посигурна и посреќна иднина за најмладите.
Минималниот износ за отворање денарски детски депозит во банката изнесува 1.000 денари додека штедењето во евра може да започне со износ од 20 евра. Постапката е едноставна, со оглед на тоа што потребни документи за отворање детски депозит се лична карта или пасош од законскиот застапник – родител или старател и извод од матична книга на родените на детето. За секој новоотворен депозит, малите штедачи добиваат дизајнирана детска штедна книшка и брендиран Халки подарок.
При штедење во денари, номиналната годишна каматна стапка изнесува 2% за период од 25 месеци, 2,5% за 36 месеци, 3% за 48 месеци и 3,5% за вкупен период од 60 месеци, односно 5 години. Кога се штеди во евра, каматата изнесува 1% за 25 месеци, 1,5% за 36 месеци, 2 проценти за период од 48 месеци и 2,5% за 60 месеци.
Каматата за овој тип на штедење се исплаќа на крајот на периодот на орочување. Кај овој производ може да се вршат дополнителни уплати на депозитот и тоа на шалтерите на банката, со траен налог и преку електронско банкарство на родителот. Делумно повлекување средства пред истекот на периодот на орочување не е дозволено. За овој тип депозит можете да аплицирате и онлајн на следниот линк по што ќе бидете исконтактирани од страна на вработените на Банката за дополнителни информации.
Повеќе информации за Детското штедење Халки се достапни на следниот линк.