Со рекорден број учесници, многу детски насмевки и силна поддршка од трибините, изминатиот викенд (20.09) се одржа четвртото издание на Детската трка на Виталиа. Околу 1.000 деца на возраст од 7 до 14 години добија можност да истрчаат на професионална атлетска патека и да го почувствуваат вистинскиот спортски дух.

На Детската трка на Виталиа нема победници, секое дете што ја помина целната линија доби медал, како потсетник дека најважни се учеството, движењето, упорноста и љубовта кон спортот.

Во текот на утрото, Градскиот парк и Националната арена беа исполнети со детска енергија, навивање и возбуда. Родители, семејства и пријатели од трибините ги бодреа малите тркачи, а спортот, дружењето и забавата уште еднаш се споија во настан посветен на здравите навики од најмала возраст.

Со Детската трка, Виталиа веќе четврта година создава простор во кој децата можат да ја почувствуваат радоста од физичката активност и спортот. Целта на иницијативата е исклучително важна: да ги мотивира децата и нивните родители движењето, балансираната исхрана и активното поминување на слободното време да станат природен дел од нивното секојдневие.

Во време кога децата поминуваат сè повеќе време пред екрани, ваквите настани се можност да им покажеме дека спортот може да значи многу повеќе од натпреварување – дружење, самодоверба, истрајност, забава и создавање здрави навики кои остануваат и понатаму.

Годинава беше забележан најголемиот број пријавени учесници досега, а програмата беше надополнета со музика и дополнителни активности за децата. За професионалната реализација на трките и безбедноста на учесниците се погрижи Атлетската федерација на Македонија, која и оваа година е партнер на настанот.

Малите атлетичари се натпреваруваа во четири возрасни категории: 100 метри за деца од 7 до 8 години, 200 метри за деца од 9 до 10 години, 300 метри за деца од 11 до 12 години и 400 метри за деца од 13 до 14 години. По поминувањето на целната линија, секој учесник доби медал – затоа што најголемата победа на оваа трка е желбата да се стане, да се трча и да се стигне до целта.

Покрај спортскиот дел, малите тркачи имаа можност да уживаат и во дополнителни содржини и активности. Посебно внимание привлече Elements corner, каде децата можеа да се запознаат и да ги пробаат новите Elements air-popped чипсови на Виталиа, а убавите моменти од денот можеа да ги зачуваат и преку специјално поставениот photobooth. За одличната музика, забава и позитивна енергија се погрижија DJ Bono и DJ Dary, дополнувајќи ја атмосферата на настанот. Сепак, најсилниот впечаток го оставија насмевките на малите тркачи и гордоста со која ги носеа своите медали.

Виталиа им се заблагодарува на сите деца, родители, семејства, партнери и поддржувачи кои беа дел од четвртата Детска трка и придонесоа таа да прерасне во најголемото издание досега.

Здравите навики се создаваат уште од најмала возраст, а секое трчање, игра и активен ден е мал чекор кон поздраво детство.

По уште едно успешно издание, Виталиа веќе гледа кон следната година, кога Детската трка ќе го одбележи своето петто, јубилејно издание.

Се гледаме повторно на стартната линија во 2027 година!

А дотогаш, да продолжиме да ја негуваме љубовта кон спортот, движењето, здравата исхрана и навиките што придонесуваат за поздраво детство.

https://www.instagram.com/vitaliamk/reel/DdgudD7AfHA/?hl=en