Јавното обвинителство не треба да молчи и треба да постапи во случајот со Онкологија. Не смее цела држава да биде заложник на мафијата на смртта, истакна пратеникот на ВМРО-ДПМНЕ, Бране Петрушевски.

Според него, додека пациентите на Онкологија чекаат терапија, мафијата на смртта поддржана од Венко Филипче трие раце за профит.

„Со години мафијата на смртта предводена од веледрогеријата Д-р Пановски книжи енормни заработки и ги уценува Фондот за здравствено осигурување и Министерството за здравство.

Тоа е истата онаа веледрогерија сопственост на таткото на блиска соработничка на Венко Филипче.

Венко Филипче и СДС политички ја штитат оваа мафија која всушност самите низ годините ја создале“.

Го повика Јавното обвинителство да не чека и да се заинтересира за случувањата на Онкологија.