Ограда од мост падна кај Автокоманда, колони возила останаа заглавени. Ваква е сликата по невремето што попладнево го зафати Скопје.

Граѓаните апелираат да не се користи влезот во Скопје преку Автокоманда бидејќи патот е целосно блoкиран, а градските служби во моментот се на терен.

https://makfax.com.mk/wp-content/uploads/2024/06/02100045-4f77-41dd-a81b-9c0a4a2e5d0c.mp4

Истовремено блокирани се надвозници кај Бутел и паднати се дрвја на повеќе места. Поплавени се улици во Ченто, кај Пластичарска.

Според првичните информации во повеќе делови од градот дошло до прекин на електричната енергија, а собраниската седница, на која треба да биде избрана новата влада, е прекината откако снема струја во зградата на Парламентот. Во моментов е дадена пауза.

Невреме проследено со силен дожд, град и електрични празнења попладнево ги зафати Скопје и Тетово.