Општина Македонска Каменица распиша јавниот повик за доставување на барање за финансиска помош од општинскиот буџет за 2023 година до еднородителски семејства, деца без родители и семејства на самохрани родители.

Јавниот повик од страна на градоначалникот на општина Македонска Каменица Димчо Атанасовски е распишан врз основа на правилникот за остварување на еднократна парична помош на еднородителски семејства, деца без родители и семејства на самохрани родители.

-За остварување на финансиската помош од Буџетот на Општина Македонска Каменица за 2023 година потребно е да се достави барање до Општина Македонска Каменица со соодветна лична документација, потврда од Министерство за труд и социјална политика за деца без родители и самохрани родители, потврда од АВРМ за невработени членови на семејството и доказ од Управа за јавни приходи, на пријавени или остварени приходи (лични и за членовите на потесното семејство) за претходната година, истакнаа од Општината.

Целосната документација потребна за аплицирање по јавниот повик е објавена на општинската веб-страница.

-Јавниот повик се однесува за лица жители на Општина Македонска Каменица и потребната документација може да се достави до Архива на Општина Македонска Каменица (соба бр.1) или на е-адресата на Општина М.Каменица opstina@makedonskakamenica.gov.mk, додадоа од Општината.

Пријавувањето по овој јавен повик е во рок од три месеци, заклучно со 18 август годинава.