По 30 години од кога е изградена, се реконструира Градската капела во Струмица.
Со овој градежен зафат којшто го реализираат општина Струмица и ЈПКД „Кмуналец“ се врши комплетна замена на старите салонитни плочи со нови термо панели, замена на дрвената конструкција, како и поставување нови олуци, термо и хидроизолација. Со цел да се подобри нејзината заштита, се врши и санација на калканските ѕидови, се инсталира и нова громобранска заштита, а се санираат сите внатрешни површини од претходните протекувања.
Реконструкцијата започна во месец ноември минатата година, досега се реализирани 85 проценти од планираните активности, а кои целосно треба да завршат во месец мај. Овој зафат на Градската капела чини 6 милиони денари.
The post Се реконструира Градската капела во Струмица appeared first on Општина Струмица.
