Нов паркинг на основното училиште ,,Гоце Делчев” од општина Илинден, со капацитет од 30 возила, е пуштен во употреба, известуваат од општината.

Градоначалникот на општина Илинден, Александар Георгиевски истакна дека изградбата на паркинг просторот е дел Проектот за изградба кој е предвиден и во новиот Стратешки план за развој на општина Илинден 2022-2026, и вклучува заштита на локалното зеленило, подобрување на безбедноста на учениците и на севкупните услови за работа во основното училиште во населеното место Илинден.

Георгиевски нагласи дека паркинг просторот е изграден по барање на жителите на општина Илинден и дека со неговата изградба, покрај тоа што училиштето за прв пат добива свој паркинг простор, се решава долгогодишниот проблем кој го имаа родителите и вработените со паркирање на своите возила.