ЈАВЕН ПОВИК ЗА ГРАЃАНСКИ ОРГАНИЗАЦИИ ЗА ПОДНЕСУВАЊЕ ПРЕДЛОГ ПРОЕКТИ ВО РАМКИ НА РЕГИОНАЛНАТА ПРОГРАМА ЗА ЛОКАЛНА ДЕМОКРАТИЈА ВО ЗАПАДЕН БАЛКАН 3 (ReLOaD3)

Општина Штип, во партнерство со УНДП, објавува јавен повик за поднесување предлог-проекти во рамки на Регионалната програма за локална демократија во Западен Балкан 3 (ReLOaD3) која е финансирана од Европската Унија.

Се повикуваат сите граѓански организации да аплицираат со свои проектни идеи и да придонесат кон развојот на локалната заедница.

Приоритетни области за проекти се:

1. Заштита на животна средина

2. Здравство и социјална заштита

3. Локален економски развој

4. Родова еднаквост

Јавниот повик ќе трае од 06.02.2026 (од 9:00 часот) до 06.03.2026 (до 15:00 часот)

Инфо сесијата и првиот ден од дводневната обуката ќе се одржат на 10.02.2026 со почеток во 10:00 часот, во сала 2 во Општина Штип. Вториот ден од обуката ќе се одржи на 11.02.2026 година со почеток во 9:00 часот, во сала 2 во Општина Штип.

Првата менторска средба е закажана за 18 февруари 2026 година, а во текот на обуката ќе бидат договорени термините за преостанатите 3 менторски средби кои ќе бидат објавени на општинската веб страна.

Прашања во врска со јавниот повик може да се испратат електронски на следната е-мејл адреса: [email protected] со назнака за ReLOaD3 програмата најдоцна до 27 февруари 2026. Одговорите ќе бидат испратени електронски во рок од 3 дена од приемот на барањето.