Делчево со сончева енергија ќе произведува над 1 кв на час струја по глава на жител што ја прави Делчево една од водечките општини за искористување на обновливите извори на енергија, информираа од Општината. Ова како што додаваат го потврдуваат фактите кои говорат дека во Делчево вкупно се инсталирани или во фаза на инсталирање се фотоволтаици кои ќе произведуваат енергија од сонцето од 14 300 кв, а производството на енергија од сонцето се очекува значително да се зголеми, бидејќи се најавени нови инвестиции.
-До Општината има доставено уште 24 иницијативи од правни и физички лица за инсталирање фотоволтаици на кров или на земја. Токму искуството на Делчево од придобивките од инвестициите во обновливите извори на енергија кои имаат голем потенцијал да ја намалат енергетската сиромаштија, да ги намалат сметките за електрична енергија и да ја заштитат животната средина, како и предизвиците на Делчево во наредниот периодги презентираше градоначалникот на Општина Делчево, Горан Трајковски на МЕФ Еергетскиот форум 2023 кој деновиве се одржува во Скопје, информираа од Општина Делчево.
Форумот е под покровителство на вицепремиерот Фатмир Бетиќи, а на него присуствувале голем број високи владини претставници од земјата и регионот, амбасадори, претставници од меѓународни организации и фондации.
-Темата на Форумот е „Подобрување на триаголникот политики – финансиска – енергетска технологија за енергетска отпорност и зелена транзиција“.
На овој форум градоначалникот посебно го потенцираше значењето од формирање енергетски задруги на локално ниво за што е несомнено потребна сериозна поддршка за реализација на овој концепт на здружување граѓани, јавни институции и бизнис- секторот од една локална заедница, заради остварување заедничка цел, во случајот производство на енергија од обновливи извори, нешто кое во развиените западноеверопски земји одамна е реалност, додадоа од Општина Делчево.
Енергетскиот форум 2023 година е во организација на ЗИП Институтот, во партнерство со Владата на Република Северна Македонија и Делегацијата на ЕУ во Скопје.
