Овогодинешното одбележување на 22 години од формирањето на Единицата за брзо распоредување ќе се одржи во Куманово и Скопје. Според распоредот објавен од министерство за внатрешни работи во 09.30 во кругот на СВР Куманово ќе биде откриено спомен обележје на 8-те загинати припадници на македонската полиција, кои ги положија животите во 2015 година во вооружена престрелка со терористичката групација во кумановско „Диво Насеље“, а во одбрана на Куманово и татковината.

Потоа во Градскиот парк каде што ќе биде изложена опрема на ЕБР според концептот „МВР за граѓаните“, изјава за медиумите ќе даде министерот Оливер Спасовски. Предвидена е и дружба на граѓаните и најмладите со македонската полиција.

Во Скопје, во базата во Ѓорче Петров ќе биде положено цвеќе на спомен-плочата на загинатите и починати припадници на ЕБР.

Централна прослава на 22 години од формирањето на Единицата за брзо распоредување ќе се оддржи во попладневните часови пред Градскиот базен во Куманово, а најавено е обраќање на министерот за внатрешни работи, Оливер Спасовски и командантот на Единицата за брзо распоредување Вице Столевски.