Со над 80 членови на ЦК и нивните заменици, беше одржана XXIV-та редовна сесија на Централниот комитет на Левица, информираат од оваа партија.

„Низ опсежна дискусија за конечните стратегии за следниот период, со висок степен на мотивација и спремност на структурата и политичката платформа, се завршија и подготовките за претседателските и парламентарни избори, во кои ќе продолжи тенденцијата на најбрз раст на Левица на македонската политичка сцена.

На сесијата се потврди кооптирањето на Амар Мециновиќ и м-р Александар Симонов за нови членови на Президиумот на Партијата“, се истакнува во нивното официјално соопштение.

Додаваат дека на 7 февруари, на прес-конференција Левица ќе го претстави својот кандидат за претстојните Претседателски избори, кој, како што велатм ќе биде единствениот разумен избор во клучниот момент за Република Македонија.

„Третата опција станува единствена алтернатива на системското уништување на државата и достоинството на обичниот народ – и единствена шанса за народна власт“, се потенцира во напишаното од Левицата.