Град Скопје организира летен наставно-научен едукативен камп за средношколците од главниот град, кој ќе се одржи во Охрид од 19 до 31 август.

Кампот ќе им овозможи на учениците да учествуваат во научно-истражувачки работилници, едукативни предавања, интерактивни дискусии, тимски проекти, културно-историски посети и спортски активности, со цел поттикнување на нивната љубопитност, креативност и лидерски способности.

Од Град Скопје истакнуваат дека вложувањето во младите е вложување во иднината и нагласуваат дека преку вакви проекти се создаваат нови можности за личен развој, стекнување знаења и градење трајни пријателства меѓу учениците.