Градоначалникот на општина Центар, Горан Герасимовски, демантира дека дал дозвола на хрватски медиуми да влезат во училиштето каде учеше Вања.

„Ова е целосно неточно, на ниеден новинар не сум дал дозвола да го посетат Песталоци. Дали новинари смеат да доаѓаат и известуваат од училиштето е одлука на директорката и менаџментот, а било кој вклучително и новинарите, мораат да ги почитуваат нивните одлуки. Целосна поддршка за директорката“, напиша Герасимовски на ФБ.

Утринава, „Макфакс“ пренесе дел од репортажата на хрватски „Јутарњи лист“ во која, меѓудругото, тие велат дека директорката на Песталоци не им дозволила да го фотографираат школото и ги замолила да го напуштат училиштето.