Еден од хроничните проблеми со кои се соочуваат граѓаните, најчесто е недостапноста на бесплатни лекови или лекови кои би ги добиле на субвенционира цена, рече доктор Игорче Џиковски, член на Комисијата за здравство на ВМРО-ДПМНЕ на денешната дебата Здравствена платформа за иднина на тема Концепт за здравство што се одржува во Штип.

Според доктор Џиковски со современа позитивна листа на лекови се оди и кон намалување на трошоците за лекување на пациентите.

„Сега се повеќе граѓани не можат да добијат соодветна здравствена заштита, а со тоа и достапност до лекови. Оттука се што не се сѐ лекува навремено води кон поголеми последици кај пациенти, што пак води до зголемување на трошоците за лекување“, рече доктор Џиковски.

Џиковски укажа дека освен што имало поголеми трошоци секојдневни ветувања за европско здравство, во пракса ништо не е направено.

„На пример за лековите, односно позитивната листа има само формирање на комисија за позитивна листа и ништо друго. Приоритет пак на идната влада ќе биде ажурирање и ревидирање на позитивната листа, да се стават и нови лекови кои ќе го подобрат здравјето на граѓаните. Притоа, тоа треба да се прави почесто следејќи ги новините, производство на нови генирики и слично“, заклучи Џиковски.