Потресно сведоштво на мајка се шири по социјалните мрежи. Таа ги обвини лекарите од болницата „Демир Хисар“ дека нејзиното дете со аутизам го малтретирале и врзувале.

„ После месец дена, мојот син денес го зедовме од психијатриска болница, така ни кажаа викендов. Јас не можам да верувам каде живееме, зарем нашето дете е ѕвер? Да, агресивен стана овие две години и затоа побаравме здравствена помош, но во 21 век да го врзувате … ? Дали така се заколнавте кога полагавте дека ќе бидете хумани? Ова дете е 17 годишно … Душата ме боли, се прашувам дали ние како родители погрешивме што побаравме помош?! Зошто нема соодветна институција за нашите деца? Вака не се смирува дете, ова е насилство! Барам одговорност за овие рани од што бил врзуван!, пишува мајката.

Момчето, како што вели мајката, во последно време било агресивно, па родителите одлучиле да го однесат во болница за да прими терапија, да се смири и повторно да си го земат.