Скопје веќе 36 години е домаќин на Саемот на книгата, годинешен настан што е белег на културната традиција. Овој саем е доказ за трајната љубов кон книгата и колективната потрага по знаење и имагинација.
За прв пат овој саем започнува да се одржува во далечната 1989 година и од скромен собир прераснува во престижен културен феномен. Истовремено, претставува симбол на посветеноста на Скопје за зачувување и негување на книжевната култура. Токму затоа, како настан е многу очекуван од читателите и писателите, не само кај нас, туку и во регионот. Секоја година можеме да видиме многу наративи од сферите на фикцијата, теоретски книги, академски книги и многу повеќе. Токму Саем на книга е местото каде што секоја книга буквално отвора нов свет што можеме да го истражиме.
Еден од феноменалните аспекти на Саемот е способноста да ги обедини луѓето под знамето на литературата. Тука се негува и чувството на заедница каде што љубителите на книгата, авторите и издавачите се спојуваат со една цел: да и се посветат на книгата. За читателите ова е рај каде што моќта на зборовите создаваат меѓусебни нераскинливи врски.
Средбите, интеракцијата, потпишувањата, дискусиите и работилниците нудат единствена можност да се пристапи на уникатен начин во светот на книгата. На овој начин се овозможува на секој посетител да навлезе во креативните процеси на нивните омилени автори и да ги разберат уште подлабоко нивните литературни дела.
“Секоја година на Саемот на книга сме сведоци на магичната конвергенција на минатото и иднината на литературата. Ова е место каде што се присутни безвременските класици и современите ремек-дела. Овој Саем не е и никогаш не бил само да се продаваат книги туку е културен светилник каде во полна сила ја гледаме моќта на пишаниот збор што ни ги збогатува умовите и душите” – вели еден од издавачите кои редовно се дел од овој годишен настан.
“Следејќи ги светските трендови за интерактивен и иновативен начин на читање книги, Boksy се разви во најголемата македонска мобилна апликација за читање и слушање книги достапна за месечна претплата! Boksy е наменета за сите возрасти. Во неа има голем број книги од македонски и странски издавачки куќи кои ќе можат да се читаат или слушаат како аудио книги на мобилните уреди. Покрај книги, апликацијата содржи поткасти и многубројни едукативни квизови, Boksy маркет, дневни и месечни предизвици, креирање сопствени аватари, како и можност за натпреварување и освојување уникатни награди за оние што најмногу читаат. На Саемот на книга – тимот на Бокси спрема дополнително изненадување за сите оние кои што се заинтересирани да се придружат и нурнат во дигиталниот свет полн со книги”, изјавија од Бокси.
Саемот на книга во Скопје е повеќе од годишна традиција. Тоа е културен аџилак за секој библиофил. Стои како живописен потсетник за книгите што го надминуваат времето и просторот. Во раздвижената сала “Борис Трајковски” каде и оваа година ќе се одржи Саемот на книга повторно ќе ни прошепоти ветување за потенцијална авантура и пак со нетрпение да го очекуваме следниот.
