Принцот Вилијам првпат се појави во јавноста откако на принцезата Кејт и беше дијагностициран рак. Тој се дружеше со својот најстар син, 10-годишниот принц Џорџ, на натпреварот од Конференциската лига меѓу Астон Вила и францускиот Лил. Момчето носело и навивачка марама.

Тој вчера се огласи на Инстаграм и ги изненади сите. Имено, додека јавноста чека вести за здравјето на неговата сопруга, Вилијам не ја спомна Кејт, туку се заблагодари на фудбалерката Рејчел Дејли, која најави повлекување од англиската женска репрезентација.

Медиумите анализираат дека Кејт во својот говор посебно му се заблагодари на Вилијам за поддршката што и ја пружа.

„Беше голем извор на удобност и сигурност што Вилијам беше покрај мене. Како и љубовта, поддршката и љубезноста што ја покажаа многумина од вас. Тоа многу ни значи и на двајцата”, рече тогаш таа.