Адел ги поттикна шпекулациите дека се омажила во тајност, нарекувајќи го момчето Рич Пол свој „сопруг“.

Поп-ѕвездата навидум го ажурираше својот статус на врска додека разговараше со фановите за време на настап во Лас Вегас минатиот викенд. Ова го изјави додека одговараше на прашања од публиката.

На видеото објавено на „Тик-ток“ се гледа како обожавателка ја прашува дали би сакала да се венча со неа, а прашањето ја поттикна Адел да одговори: „Не можеш да се венчаш со мене, јас сум ‘стрејт’. И мојот сопруг е тука вечерва. Тој е тука.“

Поп-дивата претходно беше во брак со Сајмон Конецки – татко на нејзиниот син Анџело – од 2018 до 2021 година.

Таа започна романса со спортскиот агент Рич (41) и тие се заедно две години по првата средба на подиумот за танцување на роденденската забава што ја организираше заеднички пријател.