Рене Зелвегер се приклучи на актерската екипа на хит-серијата на Хулу, Only Murders in the Building (Само убиства во зградата). Веста беше потврдена на официјалните профили на Инстаграм и на Икс, на серијата.
„Добредојдовте во зградата, Рене Зелвегер!“, напишаа во објавата.
Тие вклучија и фотографија од актерското столче на сетот со нејзиното име. Нивната објава за само еден ден собра речиси 60 илјади лајкови, а луѓето во коментарите напишаа дека се воодушевени.
View this post on Instagram
„Со секоја нова сезона станувате се поиконични“, „Само икони во зградата“, „Престанете, оваа серија постојано се подобрува“, „Ја сакам Рене“, „Бриџит Џонс во зградата?“, „Веќе ја сакам оваа серија, а сега оваа легенда ќе глуми во неа? Едвај чекам“, „Кој ја донесе оваа одлука заслужува покачување“, напишаа тие.
Во моментов не се познати деталите за заплетот на петтата сезона, како и каква точна улога ќе има Зелвегер. Актерката се приклучува на листата која ги вклучува Селена Гомез, Мартин Шорт, Стив Мартин, Мерил Стрип, Кристоф Валц, Теа Леони и Киган-Мајкл Ки.
