Американската пејачка Пинк мораше да го откаже претстојното шоу во Швајцарија поради нарушено здравје. Таа требаше да настапи на стадионот Ванкдорф во Берн како дел од нејзината турнеја.
„Многу ми е жал што морав да го откажам шоуто“, ја започна својата објава Пинк.
View this post on Instagram
„Правам се за да настапувам за вас секоја вечер, но по консултација со докторот и разгледување на сите опции, ми рекоа дека не можам да го одржам овој концерт“, напиша таа и нагласи дека на сите ќе им бидат вратени парите за билетите.
„Ви испраќам на сите љубов и здравје и навистина се надевам дека ќе се видиме наскоро повторно“.
Фановите, иако малку разочарани, и посакаа брзо закрепнување. Пејачката и нејзиниот тим се уште не и откриле на јавноста каков е здравствениот проблем.
За потсетување, Пинк ја започна својата осма турнеја наречена Летен карневал во јуни 2023 година и треба да трае до ноември оваа година.
