Ако филмот од 2006 година „Одмор“  (The Holiday) е на вашата листа на класици што мора да ги погледнете за време на празниците, всушност тоа не била намерата на режисерката Ненси Мејерс. Сценаристката-режисерка откри на подкаст дека никогаш не го сметала тој филм за празничен.

„Филмот ќе беше насловен исто дури и ако приказната се одвиваше на лето“, рече таа.

Филмот беше објавен во 2006 година и ги следи ликовите на Камерон Дијаз и Кејт Винслет, Аманда и Ајрис, кои решаваат да си ги заменат местата во нивните домови за време на празниците по тешко раскинување. Додека престојува во шармантната англиска куќа на Ајрис, Аманда го запознава братот на Ајрис, Греам, со кого почнува романтична врска.

Во меѓувреме, во Лос Анџелес, Ајрис се спријателува со холивудската легенда, Артур Абот, и почнува романса со композиторот Мајлс (Џек Блек).

„Никогаш не мислев дека тоа ќе биде филм кој луѓето ќе го гледаат за време на празниците. Не го замислував така. Сакав само да ја раскажам приказната за овие луѓе“, објасни Мејерс.

„Приказната ја поставив околу Божиќ бидејќи може да биде осамено време. Сите тие се малку скршени“, додаде.

„Празниците изгледаат како добро време за соочување со овие прашања“, продолжи Мејерс. „Значи, тоа беше поентата, а не „Еј, мислам дека ќе снимам филм за празниците“.

И покрај намерите на режисерот,  „Одмор“ сепак го најде својот пат до статус на божиќна класика. Згора на тоа, Џуд Ло, еден од главните актери, неодамна навести дека филмот може да добие продолжение.