Анџелина Џоли имаше мистериозни тетоважи на двата средни прста, што ги натера фановите да шпекулираат дека тоа е пцост ‘f*** you’ и дека е наменето за нејзиниот поранешен сопруг Бред Пит.

Актерката (48) била кај Мистер Кеј, кој работи во популарниот селебрити-центар за тетоважи Бенг Бенг во Њујорк. На својот „Инстаграм“ тој сподели фотографија од дизајнот на внатрешната страна на прстите, но дизајнот е замаглен.

Тајноста предизвика лавина од коментари од фановите кои шпекулираа дека таа веројатно има напишано два збора f***“ и you на своите прсти.

Други коментираа дека може да пишува f***“ и Brad и дека е дизајнирана така што таа сака да го навреди својот поранешен сопруг (59), со кој започна врска во 2005 година, пред да се омажи во 2014 година и да се разведе две години подоцна.

Мистер Кеј ја означи Анџелина во својата објава на „Инстаграм“, и објасни дека е најнова во низата други тетоважи. „Сè уште не можам да верувам дека всушност ја фатив за рака и ја истетовирав. Погодете што има на дланката?“, напиша тој.

Анџелина и Бред сè уште се вплеткани во жестока расправија за старателство над нивните деца, како и за винаријата во Франција, каде порано беа ко-сопственици.

Анџелина има многу други тетоважи, вклучувајќи дизајни кои оддаваат почит на нејзините добротворни напори и децата. Таа, исто така, има повеќе дизајни посветени на поранешните љубовници, вклучително и еден познат посветен на нејзиниот претходен сопруг Били-Боб Торнтон (68).

Подоцна, Анџелина вети дека никогаш повеќе нема да испише име на друг маж на своето тело, откако го отстрани неговото име од раката по нивниот развод.