Добрите пријателства се права реткост, но истражувањата покажуваат дека тие се директно поврзани со нашето здравје и благосостојба токму поради тоа што со вистинските пријатели ги споделуваме тагата, но и среќните мигови. Пријателството како и секој друг однос има потреба од посветеност, време и енергија. Истражувањата покажуваат дека позитивниот ефект од блиските пријателства бил присутен без оглед на социјалниот статус на испитаниците.

Едно истражување спроведено од Бригам Јанг универзитот покажало дека недостатокот на дружење и пријателства може да го зголеми ризикот од рана смрт, а ризик факторот за тоа е поголем и од кај оние кои пијат алкохол и пушат по 20 цигари дневно.

Многу пријателства не може да траат долго и не треба да се задржуваат само затоа што тие луѓе биле долго присутни во вашиот живот. Промените на личноста, запознавањето на нови луѓе и стекнувањето на нови пријателства се составен ден од животниот процес,  сепак не треба да се занемари дека социјалната поддршка е многу важен аспект во нашиот живот и недостатокот од истата има потешко негативно влијание врз здравјето од лошата исхрана или физичката неактивност.

М.Кизова
фото: pixabay