Николија Јовановиќ и Реља Поповиќ конечно стапија во брак, по 12-годишна врска и заеднички живот.
Николија Јовановиќ и Реља Поповиќ важат за еден од најхармоничните парови на српската јавна сцена, при што цели 12 години успеваа да го задржат својот приватен живот подалеку од љубопитните погледи на јавноста.
Како круна на нивната љубов дојдоа две ќерки, а сега одлучија и официјално да ја крунисаат својата врска, ветувајќи си вечна љубов. Веста ја сподели српското издание на списанието „Вог“ преку видеозапис.
Според наводите, парот се одлучил за интимна церемонија, избегнувајќи раскошни прослави и гламурозни декорации. Николија и Реља склучија граѓански брак, по што следеше мала, приватна прослава во кругот на најблиските.
View this post on Instagram
Во согласност со тоа, и нивниот избор на облека беше едноставен: Николија избра бел сатенски фустан, додека нејзиниот сопруг носеше црни панталони во комбинација со црна маица.
Може да се каже дека целата прослава се одликуваше со ненаметлив моден стил и атмосфера наменета исклучиво за најблиските луѓе во нивниот живот.
Текстот (Фото/Видео) Николија и Реља се венчаа во тајност: По 12 години врска, кажаа „да“ е превземен од МАКФАКС.
