Еден од најпопуларните фудбалери денес е новото лице на кампањата на Calvin Klein, а првите фотографии – на кои тој позира облечен само во боксерки – веќе привлекуваат големо внимание.
Calvin Klein најави нова кампања за долна облека со Џуд Белингем, објавувајќи фотографии од фудбалерот на Реал Мадрид како позира во бел студиски амбиент.
the next icon.
coming soon. https://t.co/3cLy81XkYR— calvinklein (@CalvinKlein) October 27, 2026
„Нова икона. Наскоро“, најавија од брендот на социјалните мрежи, споделувајќи први кадри од снимањето. На фотографиите, Белингем носи бели боксерки од „Калвин Клајн“, иако лицето не му се гледа.
На една од сликите се гледа задниот дел од главата на фудбалерот – откривајќи ја неговата препознатлива фризура – додека на друга фотографија, во стил на полароид, тој е прикажан како се потпира на некаква површина.
Белег на неговото лево рамо исто така го открива неговиот идентитет. Во јули 2024 година, Белингем имаше операција на рамото поради зачестени исчашувања. Повредата ја добил уште во ноември 2023 година, а подоцна одлучил да оди на операција за трајно да го реши проблемот.
going to NYC for the view
the view: https://t.co/jmYTM5Edr1— calvinklein (@CalvinKlein) October 30, 2026
Ова не е првпат Белингем да позира во долна облека. Во јуни 2024 година, тој се појави во кампања за брендот „SKIMS Mens“, носејќи парчиња од нивните колекции „Cotton“ и „Stretch“, непосредно пред Европското првенство што се одржа тоа лето.
Објавите со Белингем брзо предизвикаа вистински „бум“ на социјалните мрежи, привлекувајќи многу позитивни коментари – особено од припадничките на понежниот пол. Дамите беа особено воодушевени од неговите вени, кои се многу истакнати на неговите нозе и раце.
„Каков совршен маж си“, „Сакам да ти ги измасирам вените“, „Воодушевена сум од твоите вени“, „Неверојатно си згоден“, „Толку е привлечен…“ – ова беа само дел од коментарите.
