Моменталната побарувачка е логично продолжение на трендовите за јакни и елеци со нагласен струк кои беа популарни претходно оваа година.
По години на преголеми јакни и блејзери, модната сцена прави пресврт. Оваа есен, доминираат тесни, кратки јакни кои помалку се насочени за да го стоплат оној кој ги носи, а повеќе за постигнување секси и шик изглед. Станува збор за тренд наречен „Bitchy Little Jacket“ (BLJ), кој се носи како топ, речиси без ништо под него. Ова смело парче е неопходно за вечерни излегувања, пишува Byrdie.
View this post on Instagram
Враќањето на Y2K естетиката
Со оглед на тоа што Y2K модата не покажува знаци на забавување, беше само прашање на време кога малите, тесни јакни и блејзери инспирирани од воениот стил повторно ќе влезат во модниот фокус. Популарноста на трендот веројатно беше поттикната од иконската фотографија на Енди Сакс во нејзината јакна Шанел од „Ѓаволот носи Прада“, која повторно стана вирална со најавата за продолжение.
Моменталната побарувачка е логично продолжение на трендовите за јакни и елеци со нагласен струк кои беа популарни претходно оваа година. Дополнително, тука е и фактот дека температурите паѓаат, а облекувањето маици повеќе не е доволно ако сакаме барем малку да се прилагодиме на времето.
Се врати и кај ѕвездите и на модните писти
Овој стил се врати на ревијата на Диор на Неделата на модата во Париз, и на пистата во колекцијата пролет/лето 2026 и меѓу публиката, на актерката Џени Ортега. На ревијата на Шанел, Лили-Роуз Деп повторно ја покажа својата склоност кон јакни што се носат закопчани до горе.
Трендот го прифатија и инфлуенсери како Девон Ли Карлсон, која неодамна носеше совршен пример за „мала јакна“ на TikTok, предизвикувајќи поплава од коментари со прашањето од каде ја набавила.
Каде да го пронајдете совршениот стил
Ако сте подготвени да го пробате овој смел тренд, добрата вест е дека има многу опции. Бидејќи ваквите јакни беа насекаде на почетокот на 2000-тите, многу продавници за винтиџ и половна облека нудат оригинални парчиња по ниски цени. Секако, и модерните брендови ја препознаа побарувачката, па затоа нови модели може да се најдат во понудата на многу брендови.
