Европската Унија од 2027 година воведува нови правила за паметните телефони, со кои батериите ќе мора да бидат полесни за замена и да траат подолго.

Целта на регулативата е да се намали електронскиот отпад, да се заштедат пари за потрошувачите и да се поттикне поправка наместо купување нов уред.

Според новите правила, телефоните што се продаваат на пазарот на ЕУ ќе мора да исполнуваат построги стандарди за трајност на батеријата и можност за поправка.

Тоа значи дека батериите ќе задржуваат подобри перформанси и по голем број полнења, а нивната замена ќе биде значително полесна отколку кај многу денешни модели.

Бидејќи производителите ретко прават различни верзии за различни пазари, се очекува промените да влијаат и на глобалните модели на iPhone и Android уреди.

ЕУ смета дека со полесна замена на батеријата, корисниците ќе можат да ги користат телефоните неколку години подолго, наместо да купуваат нови штом батеријата ослаби.

Промената треба да донесе и еколошка корист, бидејќи подолгиот век на уредите ќе значи помалку електронски отпад и помала потреба од производство на нови телефони.