Културно-информативен центар, КИЦ-Битола го промовира првиот број на електронското списание за култура „Бели хоризонти“.

Иницијатор и автор на списанието е битолскиот ликовен критичар и уметник Владо Ѓоревски, а уредник е директорката на КИЦ Битола, Лили Бошевска.

Според концептот, списанието е отворено за млади и нови автори, а КИЦ-Битола ќе го издава како тримесечник.

Во првиот број застапени се повеќе теми, „100 години од Улис Џемс Џојс“, портрет за Владимир Костов, проза, поезија, извадоци од романи, како и посебен осврт за првата македонска опера „Гоце“ на авторот Кирил Македонски.