Два одделни случаи со заталкани зрна од огнено оружје биле пријавени во СВР Скопје во текот на вчерашната вечер, при што во едниот случај било оштетено покривното платно на гаража.

Во 20:45 часот, 39-годишниот С.Ј. од Скопје пријавил дека во близина на неговата куќа, на подрачјето на Драчево, пронашол заталкано зрно од огнено оружје.

Само 25 минути подоцна, во 21:10 часот, 35-годишната Ј.А. од селото Студеничани, Скопско, пријавила дека заталкано зрно од огнено оружје го оштетило панелот со кој била покриена гаражата во нејзиниот дом.

Од СВР Скопје информираат дека во двата случаи се преземаат мерки за расчистување и целосно документирање на настаните.