Вчера попладне во 14.00 часот во СВР Куманово било пријавено дека на крстосница од улицата „Борис Кидрич“ и излез од паркинг простор во Куманово, патничко моторно возило „јагуар“ со охридски регистарски ознаки удрило во 38-годишниот М.И. од Куманово, по што го напуштил местото, извести МВР.

– Во несреќата пешакот се здобил со тешки телесни повреди, констатирани во Општата болница Куманово, додаваат од МВР.

Извршен бил увид од увидна екипа од СВР Куманово и се преземаат мерки за расчистување на случајот.