Надворешната канцеларија за криминалистички работи Делчево поднесе кривична пријава против 32-годишниот Н.И. од село Косевица, општина Македонска Kаменица, поради постоење основи на сомнение за сторено кривично дело „демнење“, извести МВР.

„На 15.01.2024 во Делчево, пријавениот следел жена од Делчево, додека на 30.12.2023 тој ѝ напишал порака на социјалните мрежи со вулгарна и заканувачка содржина и телефонски ја вознемирувал“, соопшти МВР.