Денеска во 02.30 часот во Прилеп, полициски службеници од ОВР Прилеп ги лишиле од слобода 34-годишниот Е.Б. и 29-годишниот О.М., двајцата од Прилеп, извести МВР.

„Тие биле фатени при извршување на „тешка кражба“ во куќа во Прилеп, при што кај нив биле пронајдени украдените предмети и ќе бидат вратени на сопственикот“, соопшти МВР.

Лицата биле задржани во полициска станица и по целосно документирање на настанот против нив ќе биде поднесена соодветна пријава.