Вчера полициски службеници од ОВР Кочани при СВР Штип го лишиле од слобода 43-годишниот Н.С. од село Горни Подлог, кочанско, извести МВР.

„При претрес во неговиот дом во с.Горни Подлог, извршен со судска наредба, биле пронајдени и одземени марихуана, машинка за изработка на цигари, воздушен пиштол калибар 4,5 мм и повеќе дијаболи калибар 4,5 мм за кои не поседувал документација“, соопшти МВР.

По целосно документирање на случајот, против Н.С. ќе биде поднесена соодветна кривична пријава.