Во сообраќајна контрола на територија на Скопје полицијата вчера казнила 124 возачи, од кои 16 за возење со брзина поголема од  дозволената.

Како што соопшти Министерството за внатрешни работи, седум санкции се изречени за возење без возачка дозвола, три за прекршоци што ги прават возачите на мотоцикл.

-Изречени се осум мерки за користење мобилен телефон при возење, шест санкции за минување на затворен сигнал – црвено светли, седум мерки за возач почетник…, информира МВР.

Министерството укажува дека сообраќајните контроли ќе продолжат и во наредните денови и апелира до граѓаните да ги почитуваат сообраќајните правила и прописи за да се зголеми безбедноста во сообраќајот.